ಮಂಗಳವಾರ, ಜನವರಿ 11, 2011

ನಾವು ಯಾಕೆ ಹಿಂಗೆ? - ಪ್ರಶ್ನೆಗಳು

ಏನು ಹೆಡ್ಡಿಂಗ್ ನೋಡಿ ತುಂಬಾ ಸೀರೀಯಸ್ ಟಾಪಿಕ್ ಅಂದುಕೊಂಡ್ರಾ? ನನಗಂತೂ ಸೀರೀಯಸ್ ಎನಫ್ ಅನ್ನಿಸ್ತು, ಇಫ್ ನಾಟ್ ನೌ, ನೆವರ್ ಅನ್ನಿಸ್ತು.
ನಮ್ಮಲ್ಲಿ ಏನೋ ಒಂಥರ ಉಡಾಫೆ ಇದೆ. ಅದು ಎಲ್ಲಿಂದ ಬಂದಿದ್ದು ಅಂತ ರಿಸರ್ಚ್ ಮಾಡಿದ್ರೂ ಆನ್ಸರ್ ಸಿಗ್ತಾ ಇಲ್ಲ. ನಿಮ್ಗೊಸೀ ಗೊತ್ತಿದ್ರೆ ಹೇಳಿಬುಡಿ.

೧. ಜನ ಯಾಕೆ ತಮ್ಮ ಹೆಸರಿನ ಮುಂದೆ ಒಂದಷ್ಟು ಆಂಗ್ಲ ಅಕ್ಷರಗಳನ್ನ ಇಷ್ಟ ಬಂದಿದ್ದ್ ಆರ್ಡರ್ ನಲ್ಲಿ ಬರ್ಕೊಂಡು,ತಮ್ಮನ್ನು ತಾವೇ ವಿದ್ಯಾವಂತರು ಅಂದುಕೊಂಡು ಇರ್ತಾರೆ? ಅವ್ರಿಗೆ ಯಾಕೆ ತಿಳ್ಯೋಲ್ಲ, ವಿದ್ಯಾವಂತರು, ಬುದ್ದಿವಂತರು ಹಾಗೂ ಅಕ್ಷರಸ್ಥರಲ್ಲಿ ಬಹಳಾ ಡಿಫರೆನ್ಸ್ ಇದೆ ಅಂತ?
೨. ರೋಡ್ ನಲ್ಲಿ ಗಾಡಿ ಓಡಿಸುವಾಗ ಎಲ್ಲ ರೂಲ್ಸ್ ಗಾಳಿಗೆ ಯಾಕೆ ತೂರಿಬಿಡ್ತಾರೆ? - ಸುಮ್ನೇ ಹಾರ್ನ್ ಮಾಡೋದು, ಲೆಫ್ಟ್ ಒವರ್ಟೇಕ್ ಮಾಡೋದು, ಸಿಗ್ನಲ್ ಜಂಪ್ ಮಾಡೋದು ( ಅಸ್ ಇಫ್ ಯಾರೋ ಇವರಿಗೋಸ್ಕರ ಕಾಯ್ತಾ ಇರೋ ಹಾಗೆ...ದೇವ್ರು ಇರ್ಬೇಕು :)), ರಾಂಗ್ ಲೇನ್ - ರಾಂಗ್ ಸೈಡ್ ಡ್ರೈವಿಂಗ್ ಎಟ್ಸೆಟರ ಎಟ್ಸೆಟರ
೩. ಎಲ್ಲಿ ಬಹಳಷ್ಟು ಜನ ಇರ್ತಾರೋ, ಯಾಕೆ ಕ್ಯೂ ಸಿಸ್ಟಮ್ ಫಾಲೊ ಮಾಡೋಲ್ಲ? ಉದಾಹರಣೆಗೆ: ನಮ್ಮ ಕಫೆಟೇರಿಯಾದಲ್ಲಿ ತುಂಬಾ ಜನ ಲೈನ್ ಬ್ರೇಕ್ ಮಾಡ್ತಾನೆ ಇರ್ತಾರೆ...ಇಷ್ಟಾಗಿ ಇವರೆಲ್ಲಾ ಫರ್ಸ್ಟ್ ಪಾಯಂಟ್ನಲಿ ಸೇರೊಂತ ಜನ.
೪. ಮೊಬೈಲ್ ಹಿಡಿದು(ಆಫ್ ಕೋರ್ಸ್ ಮಾತನಾಡುತ್ತಾ) ರೋಡ್, ಸಿಗ್ನಲ್ ಯಾಕೆ ಕ್ರಾಸ್ ಮಾಡೋದು, ಗಾಡಿ ಓಡಿಸೋದು?
೫. ಯಾಕೆ ಎಲ್ಲಾ ವಿಷಯದಲ್ಲೂ ತಾವೇ ಕರೆಕ್ಟ್ ಅನ್ನುವ ಮನೋಭಾವ?
೬. ಯಾಕೆ ಫೀಡ್‌ಬ್ಯಾಕ್ ಕೇಳಿ ಕೂಡ ತಮ್ಮ ತಲೆಯಲ್ಲಿರುವ ಉತ್ತರ ಆ ಫೀಡ್‌ಬ್ಯಾಕ್ ಆಗಿರಬೇಕು ಎನ್ನುವ ಇಚ್ಚೆ?
೭. ತಾವು ಡಿಸರ್ವ್ ಮಾಡಿರೋದಾಕ್ಕಿಂತಾ ಹೆಚ್ಚು ಪಡೆಯುವ ಆಸೆ ಏಕೆ?

ಅಕಟಕಟಾ ಈ ಎಲ್ಲಾ ಪ್ರಶ್ನೆಗೆ ನೀವು ಉತ್ತರಿಸಿದರೆ ನಿಜವಾಗ್ಯೂ ನಿಮ್ಮ ತಲೆ ಸಾವಿರ ಚೂರಾಗಿ ಬೀಳುವುದು ಇಲ್ಲದಿದ್ರೆ ಮುಂದೆಂದೋ ನಾನು ಬರೆವ ಉತ್ತರ ನೋಡಿ ಹೂನ್ ಎಂದು ತಲೆ ಆಡಿಸಿ. ಏನಂತೀರಾ?

ಮಂಗಳವಾರ, ಜನವರಿ 4, 2011

ಆಟೋ(ರೀಕ್ಕ್ಷಾ)ಪನಿಷತ್ತು

ಬಹಳ ಹಿಂದೆ ಯಾರೋ ಸಾಮಾನ್ಯ ಮನುಷ್ಯ ಒಂದು ಅಸಾಮಾನ್ಯ ನುಡಿಯೊಂದು ಹೇಳಿದ್ದು ಕೇಳಿದ್ದೆ.
" ಕಪಿಪ್ರವೃತ್ತಿಯ ಮನುಷ್ಯನಲ್ಲೂ ಕವಿ ಹೃದಯ ಇರುತ್ತೆ".
ನಾ ಕಂಡ ಕಪಿ ಪ್ರವೃತ್ತಿ ಮನುಷ್ಯರಲ್ಲಿ ಮೊದಲಿಗರು ವಾಹನ ಚಾಲಕರು. ಅದರಲ್ಲೂ ಆಟೋ ಚಾಲಕರು. ಆ ಸೀಟಿನ ಮೇಲೆ ಕುಳಿತರೆ ಅವರಿಗೆ ಬಾಲ ಮೂಡುವುದು ಖಂಡಿತ. ಯಾರಾಗಾದ್ರೂ ಅನುಮಾನ ಇದ್ದಾರೆ ಬೆಟ್ ಕಟ್ಟಿ ಸೋಲೋ ಹುನ್ನಾರ ನೀವೇ ಮಾಡ್‌ಕೋಳಿ.
ಇಷ್ಟೊಂದು ಪೀಟಿಕೆ ಯಾಕಪ್ಪಾ ಅಂದ್ರೆ...ನಾ ಓದಿದ ಕೆಲವು ಆಟೋ ಹಿಂದಿನ ಬರಹಗಳು.

"ಪ್ರೀತಿಸಿದರೆ ಲವ್ ಸ್ಟೋರೀ ಇಲ್ಲಾಂದ್ರೆ ಕ್ರೈಮ್ ಸ್ಟೋರೀ"

"ಪ್ರೀತಿ ಕೊಂದ ಕೊಲೆಗಾತಿ"

"ನಾ ಬರಲಿ ಬಾರದಿರಲಿ,ನೀ ಮುಡಿದ ಹೂವು ಬಾಡದಿರಲಿ"

"ಚಿಕ್ಕಪ್ಪ ಚಿಕ್ಕಪ್ಪನೆ ಹೊರತು ದೊಡ್ಡಪ್ಪನಾಗಲಾರ" - ಅಣ್ಣಾವ್ರು ನೋಡಿದ್ರೆ ಬಬ್ರುವಾಹನದಲ್ಲಿ ಈ ಡೈಲಾಗ್ ತೆಗಸಿಹಾಕಿಬಿಡ್ತಿದ್ದೆನೋ? ಇನ್ನೊಂದು ನನ್ನ ಡೌಟ್ ಏನಂದ್ರೆ ಔಟೋಗಳು ತುಂಬಾ ಸೌಂಡ್ ಮಾಡೋದ್ರಿಂದ ಅದನ್ನು ಬಬ್ರು ವಾಹನ ಅಂತ ಕರಿಬಹುದಾ? ಹೌದದ್ರೆ ಈ ಡೈಲಾಗ್ ಓಕೇ.

"ಮುತ್ತು ಕೊಡುವವಳು ಬಂದಾಗ ತುತ್ತು ಕೊಟ್ಟವಳನ್ನು ಮರೀಬೇಡ" - ಈಗಿನ ಗ್ಲೋಬಲೈಸೇಶನ್ ಜಮಾನದಲ್ಲಿ ಇಬ್ಬರು ಒಬ್ರೆ ಅಲ್ವಾ?(ಪನ್ ಇನ್‌ಟೆಂಡೆಡ್ ಓನ್ಲೀ )

ಇನ್ನೊಂದು ಡೌಟ್ ಏನಂದ್ರೆ - ಇದು ಆಟೋ ಡ್ರೈವರ್ ಕ್ರಿಯೇಟಿವಿಟೀಯಾ ಅಥವಾ ಪೇಂಟರ್ದ?

ಕೆಲವು ಆಬ್ವಿಯಸ್ ಅರ್ಥಗಳು -
"ತಂದೆ ತಾಯಿ ಆಶೀರ್ವಾದ" ಅಂದ್ರೆ ಆಟೋ ಈಸ್ ಫಂಡೆಡ್ ಬೈ ಅಪ್ಪ ಅಮ್ಮ
"ಅಣ್ಣ ಅತ್ತಿಗೆ ಆಶೀರ್ವಾದ" ಅಂದ್ರೆ ಮನೇಲೆ ತುಂಬಾ ಕಾಟ ಕೊಡ್ತಾ ಇದ್ದ ಅದಕ್ಕೆ ಪಾಲು ಕೊಟ್ಟು ಆಚೆ ಹಾಕಿದ್ದೀವಿ
"ಹಾಯ್ ಗೀತ" "ಹಾಯ್ ಚಿಂಟು" ಎಟ್ಸೆಟರ ಎಟ್ಸೆಟರ - ಮನದಾಳದ ಮಾತು ಇನ್ನೂ ಅಲ್ಲೇ ಇದೆಅನ್ನುವ ಅರ್ಥ


ವಿ.ಸೂ : ಇವೆಲ್ಲ ಓದಿ ಯಾರದಾದ್ರೂ ಮನ ನೊಂದಿದ್ರೆ ನಾನೇ ಜವಾಬ್ದಾರ ಓಕೇ